2020年8月月供
今個月睇左都幾多份自己先後持有股票既業績
有匯豐控股,中電控股,長江基建,香港電訊,越秀房產信託基金等等
簡簡單單用我自己好弱既睇表分析一兩句啦.
匯豐控股:其實就吾差既業績黎講,疫情底下都系-10幾%左右稅前,不過銀行今年既信譽減值比例高.令到最後既EPS都系0.1美金,但過往一季派息都系0.1美金 年尾就派0.21美金.睇黎派息依一方面真系要等等先得.以佢依家既進度2021年想派番息都幾有難度.不過對我而言.佢首先要穩定自己公司係國際既地位加上解決地緣政策先系最最最重要的事.
中電控股: 中電就中期盈利勝預期,維持0.63港元派息,雖然新聞就話中電半年虧轉盈,但上年系因為澳洲既零售業務商譽減值先令到佢條數系轉虧,依D真系要自己睇過表先會知.新聞上都系誇大字眼吸引人入市.
長江基建:英國在2020年年頭果時進行封國及英國對基建行業既稅制改變令到長江基建等收入大大減低.雖然百份比上只系幾個巴仙等等.但在一間上市公司上面幾巴仙己經數以億計.早在2020年3月既時間,主席李澤鉅對股民說到''長江基建會係全世界最襟捱嘅''.我希望我都系一個捱得住既90後*****
香港電訊:依間公司我自問吾系好識睇佢份業績,但好似之後電訊盈科將NOW電視以售價19.5億元售給香港電訊
越秀房產信託基金:參考了前一日放榜既匯賢產業信託等等,因為在TELEGRAM既群組有組員分析過依一份野減息收益差加上股價大插等等,但睇番越秀既業績,出租率等等都無想像中甘差(80%以上都KEEP到).但我對越秀房產信託基金都無咩太大既期望,因為在2017年既時間入,內房當時個走勢真系好強勁.REIT又要派番90%以上既息而入,但望住依家減左所收既利息都有接近20%既賬面虧蝕.都系放系度慢慢收息算,上番5蚊先再諗點做.
股票代號 | 股票名稱 | 買入價 | 買入單位 | 月供金額 |
2 | 中電控股 | HK$75.25 | 13 | HK$978.25 |
3 | 香港中華煤氣 | HK$11.10 | 44 | HK$488.40 |
5 | 匯豐控股 | HK$34.05 | 29 | HK$987.45 |
12 | 恒基地產 | HK$29.55 | 50 | HK$1,477.50 |
823 | 領展房產基金 | HK$61.75 | 24 | HK$1,482.00 |
1038 | 長江基建集團 | HK$40.65 | 36 | HK$1,463.40 |
2388 | 中銀香港 | HK$21.80 | 45 | HK$981.00 |
6823 | 香港電訊-SS | HK$11.54 | 86 | HK$992.44 |
另外己經準備好接貨建設銀行.要黎既始終都要黎.
月尾應該要接3手建設銀行, 一手平均價為HKD 5.797 比現價 5.82低少少啦
應該接左就會反手做番少少SHORT CALL COVER番個平均價.做低少少平均價
因為越秀減息29%,令到年收息既數字都大大減低
現利息收益直至 11/08/2020 為 HKD 16,303.12
留言
張貼留言