2019年日本遊記(東京)

DAY1

31/8/2019

UO650 15:15-20:45

去左甘多次日本都系入廉航,因為3個鐘頭左右性價比極高.

來回都吾買行李.第一次拖20吋行李喼去..因為我第2次去東京.買野既慾望應該無友人甘高,

今次系我第一次同朋友去旅行.成個行程都系我一腳踢Plan 好曬帶佢地去玩.

而今次簡左星期六去.星期四晚番.

朋友都因為我果陣星期六仲要番半日而簡左3點3依個時間飛.

但最後結果果一日我都系請左假.真心勁後悔點解吾星期五晚就飛呢.

漏左樣都幾重要既野未講.

我咬住柴甘去旅行...真心好Q痛.諗起都覺得自己黑仔

每次去機場望住個好天氣甘飛都心情愉快.真系好興奮同朋友去旅行

雖然次次系飛機上面好似第一次去旅行甘.但每次見到既野都吾同...今次架飛機吾算多人.我地3個人本身坐埋一齊.最後大家都分開一人一行甘坐.真系好爽.不過15:15機.系個天仲可以睇到日落tim勁曬勁好太陽.同埋大家都好早系荔枝角食左個午餐一齊坐E21 一齊入去.... 因為落機時間系20:45朋友在飛機上面買左個餐食

圖文不符喎大佬.依個飯仔加枝野飲 HKD 95

見到佢果個波仔飯真系忍吾住笑左出黎

2045成田落機.搞到成十一點二先系
日暮里轉車番東新宿.真系好吾方便.
真系都搞左幾耐下先番到去.
中途都系買下7-11野食同去下洗手間

終於到左酒店.中間都有段小插曲,

我地3個到酒店門口果陣,門口落左閘,果陣時間大約系00:00左右

好彩有人出黎.吾系我地都企系門口你眼望我眼.

So far 間酒店都幾新.

名稱:東京新宿皮史博可酒店 Bespoke Hotel Shinjuku 

好似系2018年12月開張,訂果陣見到好似好新.同幾大就訂左.完全冇睇到用戶既留言

系東新宿站行幾步就到.又可以系新宿三丁目行過去都得.算系幾方便.

依間酒店對我黎講我會Encore既酒店(地點吾差,價錢吾貴,仲要舒服)

簡酒店既時候就比佢一字排開既設計吸引到.因為3個各有各訓系度.望既野一樣吹水都吹得開心D,分好床2張大既床就比朋友.最近果張細少少既就我訓啦.

之後就行左5分鐘去歌舞伎町食野.本身諗住是但食個拉麵,點知班朋友話第一次黎日本緊系食燒肉先.我就想過兩日先食.,不過算就下朋友啦.

燒肉どんどん

下村ビル 1F, １丁目-２３-13 歌舞伎町 新宿区 東京都 160-0021

 

睇番都想食..去到日本緊系飲HIGH BALL 做飲品啦.同埋朋友竟然叫左個水冷麵黎食.

勁涼快勁冰凍.我就一定吾會叫黎食.但點知佢出奇地好食.真系幾正.Averall 食左甘多野叫左4~5杯野都系好似人均300左右就系幾抵玩既都...重點系系香港食果D燒肉真系差太遠..

最後就第一日完了..So Far 都系到左日本幾個鐘.但東京系機場出番市區真系有D遠..買左少少野就番酒店休息.但問題黎了.3個人一間房等沖涼都等到訓得著omg ...........